WordPress database error: [Table 'db821282199.YhPGeuvMupviews' doesn't exist]
SELECT * FROM YhPGeuvMupviews WHERE user_ip = '3.238.96.184' AND post_id = '3019'

WordPress database error: [Table 'db821282199.YhPGeuvMupviews' doesn't exist]
SHOW FULL COLUMNS FROM `YhPGeuvMupviews`

کورونا میں مبتلا وکیل سپریم کورٹ میں پیش، چیف جسٹس نے باہر جانے کی ہدایت کردی

اسلام آباد: چیف جسٹس نے کورونا میں مبتلا وکیل کو عدالت میں پیش ہونے پر عدالت سے باہر جانے کی ہدایت کردی۔

بیرسٹر ڈاکٹر عدنان خان کورونا وائرس سے متاثر ہونے کے باوجود بھی چیف جسٹس پاکستان کی عدالت میں پیش ہوئے اور انہوں نے عدالت کو بتایا کہ مجھے کورونا ہے لیکن پھر بھی عدالت میں پیش ہو رہا ہوں جس پر کمرہ عدالت میں کھلبلی مچ گئی۔

بیرسٹر ڈاکٹر عدنان کے انکشاف کے بعد چیف جسٹس پاکستان نے ان سے سوال کیا کہ آپ عدالت میں کیوں آئے ہیں؟ آپ دوسروں کی زندگیوں سے کھیل رہے ہیں۔

چیف جسٹس پاکستان کے سوال پر وکیل نے جواب دیا  کہ کورونا کے سبب کیس ملتوی کرنےکی درخواست ایک عدالت میں بھجوائی لیکن میرا کیس خارج کر دیا گیا۔

وکیل ڈاکٹر عدنان نے کہا کہ آج ہائیر ایجوکیشن کے لیکچررز کا اہم کیس لگا ہوا تھا اس لیے آگیا۔

بعدازاں چیف جسٹس پاکستان نے بیرسٹر ڈاکٹر عدنان کو ہدایت کی کہ آپ اپنے دلائل تحریری طور پر دے دیں اور فوراً کمرہ عدالت سے چلے جائیں۔

چیف جسٹس پاکستان کی ہدایت پر عمل کرتے ہوئے بیرسٹر ڈاکٹر عدنان خان کمرہ عدالت سے چلے گئے۔

اپنا تبصرہ بھیجیں