WordPress database error: [Table 'db821282199.YhPGeuvMupviews' doesn't exist]
SELECT * FROM YhPGeuvMupviews WHERE user_ip = '3.238.96.184' AND post_id = '4635'

WordPress database error: [Table 'db821282199.YhPGeuvMupviews' doesn't exist]
SHOW FULL COLUMNS FROM `YhPGeuvMupviews`

سابق آسٹریلین کرکٹر ٹام موڈی ڈائریکٹر سری لنکا کرکٹ مقرر

سری لنکا نے سابق آسٹریلین کرکٹر اور اپنے سابق ہیڈ کوچ ٹام موڈی کو ڈائریکٹر کرکٹ تعینات کر دیا۔

کرکٹ سری لنکا کی جانب سے جاری بیان میں کہا گیا ہے کہ ٹیکنیکل ایڈوائزری کمیٹی نے 55 سالہ ٹام موڈی کی کرکٹ سسٹم کے حوالے سے معلومات اور تجربے کی بنیاد پر انہیں ڈائریکٹر کرکٹ تعینات کرنے کی تجویز پیش کی۔

سری لنکن بورڈ کی جانب سے جاری بیان میں مزید کہا گیا ہے کہ ٹام موڈی کو بطور کنسلٹنٹ اپنے تین سالہ دور میں 300 دن کا اسائمنٹ پورا کرنا ہو گا۔

سی ای او کرکٹ سری لنکا ایشلے ڈی سلوا کا کہنا ہے کہ ٹام موڈی ماضی میں بھی سری لنکن کرکٹ بورڈ کے ساتھ کام کر چکے ہیں اور انہوں نے اچھے نتائج دیے تھے۔

ٹام موڈی کو سری لنکا کے فیوچر ٹور پروگرام، ڈومیسٹک ٹورنامنٹ اسٹرکچر اور کھلاڑیوں کی تعلیم، فلاح اور ان کی صلاحیتوں میں نکھار پیدا کرنے کا ٹاسک دیا گیا ہے۔

خیال رہے کہ سری لنکا نے 2007 میں ہونے والے کرکٹ ورلڈ کپ کے فائنل تک رسائی حاصل کی تھی اور اس وقت ٹام موڈی سری لنکا کے ہیڈ کوچ تھے۔

اپنا تبصرہ بھیجیں